mirë se vini në web faqen tonë !                 

Themelimi i Fakultetit:
 

Fakulteti i Studimeve Islame në Prishtinë është themeluar në vitin 1992 me vendimin nr.443/92 të Kuvendit të Bashkësisë Islame të Kosovës dhe në dhjetorë të këtij viti ka filluar punën për herë të parë.
Fakulteti i Studimeve Islame është institucioni më i lartë edukativo-arsimorë dhe mësimor- shkencor i Bashkësisë Islame i cili mirret me studime dhe hulumtime shkencore, e në veçanti nga fusha e islamistikës në Kosovë dhe më gjërë.
Fakulteti ka emërtimin zyrtarë
“Fakulteti i Studimeve Islame”- Prishtinë.


Synimet e Fakultetit:

- Sigurimi i kushteve për arsimimin universitar në shkencat Islame dhe të gjuhës arabe.
- Përkujdesja për studime edukativo-islame
- Përgatitja e gjenerates së re të mësuesve fetarë dhe të gjuhës arabe me arsim universitar, që të jenë në shërbim të muslimanëve brenda në Kosovë dhe shtete fqinje si, dhe të muslimanëve shqiptarë kudo në botë
- Përgatitja e imamëve dhe ligjëruesve për shpjegimin dhe shtjellimin e mësimeve islame me një cilësi të lartë
- Të bëhen hulumtime shkencore në fushën e thirrjes islame, në radhët e muslimanëve që flasin gjuhën shqipe.
- Mbajtja e seminareve dhe kurseve intensive për mësuesit e mësimeve islame.

Kushtet e regjistrimit:

Të drejtë regjistrimi në këtë Fakultet kanë të gjithë që plotësojnë kushtet e mëposhtëme:
- Të kenë të kryer Medresen e mesme “Alauddin” ose ndonjë tjetër merdese.
- Që të kenë kryer një shkollë të mesme me kushtë që t’i nënshtrohen provimit pranues.
- Të njofin gjuhën shqipe, sepse ligjeratat zhvillohen në këtë gjuhë.
- Që të sjellë me vete dëshminë mjekësore se nuk vuajnë nga sëmundje ngjitëse.
- Të kenë sjellje dhe karakteristika të mira.
- Dokumentet të gjitha të jenë të vërtetuara nga organet zyrtare.


Organizimi i studimeve:

Në fakultet momentalisht organizohen studime universitare, mirëpo janë të parapara edhe studimet pasuniversitare. Mësimi në fakultet zgjatë katër vite-tetë semestra për student të rregullt dhe me korrespondencë. Pas përfundimit të të gjitha provimeve të detyrueshme të parapara me statutin e fakultetit studenti përgatit punimin e diplomës, të cilin duhet të mbrojë me sukses para komisionit përkatës.

Planprogrami mësimor:

 Planprogrami i lëndeve është përpiluar duke u mbështetur kryesisht në planprogramet mësimore të fakulteteve islame të universiteteve të ndryshme në botë. Mbizotërojnë lëndët fetare: Kur’ani dhe shkencat e tij, jurisprudenca islame, apologjetika, hadithi, filozofia islame etj.
Nga gjuhët e huaja studentët e këtij fakulteti, përveç gjuhës arabe mësojnë edhe gjuhë angleze dhe turke.
Studentët e këtij Fakulteti vijnë nga të gjitha pjesët e banuara me shqiptarë në Ballkan, si Shqipëria, Mali i Zi, Maqedonia, Lugina e Preshevës dhe Bujanoci

Përsoneli arsimor:

 Përsoneli edukativo-arsimor është i përbërë nga profesorët shumica e të cilëve kanë të kryer studimet universitare dhe pasuniversitare në universitet islame, si dhe nga profesorë të universitetit të Prishtinës.
 
Selia e Fakultetit:

 Selia e Fakultetit të Studimeve Islame është në qendër të Prishtinës, që është edhe kryeqendër e Kosovës. Ndërtesa është e vjetër nuk posedon as konvikt të studentëve. Projekti për një ndërtesë të re është përpiluar e projektuar nga projektues të njohur të vendit, kurse përgjegjësit e Kryesisë së Bashkësisë Islame të Kosovës janë duke kërkuar investitorë për realizimin e tij.
Vazhdimi i suksesshëm i punës së fakultetit te studimeve Islame te Prishtinës është garancia më e mirë për të ardhmen e muslimanëve në Kosovë dhe rreth saj,andaj ky institusion i lartë arsimor islam edhe meriton çdo përkrahje morale e materiale nga institucionet relevante të vendit tonë e të jashtme .